«Tolibon»ning ashaddiy dushmani Ahmad Mas’ud qayerda?

Shu yilning 6 sentabr kuni «Tolibon» tomonidan so‘nggi hudud — Panjsher egallangani xabar berildi.
Viloyat hokimi, qarshilik kuchlari boshlig‘i Ahmad Mas’ud taqdiri esa noma’lumligicha qoldi.

Eronning FARS agentligiga ko‘ra, Mas’udning Markaziy Osiyo mamlakatlari orqali Turkiyaga ketgani bo‘yicha xabarlar yolg‘ondir. U xavfsiz joyda va Panjsher bilan aloqani yo‘qotmagan. Yetakchining aniq manzili xavfsizlik sabab aytilmagan.

Panjsherning asosiy hududlari to‘liq «Tolibon» nazoratida bo‘lib turibdi.

Eslatib o‘tamiz, bir necha kun avval Mas’ud afg‘on xalqiga videomurojaat yozib, aholini «Tolibon»ga qarshi isyon ko‘tarishga chaqirgandi. “Zamin” yangiliklarini “Telegram”da kuzatib boring