Foto: Reuters
AQSH harbiy dengiz kuchlari pandemiya sabab ikki yilga ortga surilgan taqdimot marosimini o‘tkazdi. Delaverda o‘tkazilgan marosimda ushbu shtatdan uzoq yil davomida senatga saylangan amaldagi prezident Jo Bayden ham ishtirok etdi.
Taqdimotda «Delaver» nomli yangi atom suvosti kemasi namoyish etildi. 2020 yil o‘tishi rejalashtirilgan namoyish koronavirus pandemiyasi sabab ortga surilgan edi.
«Delaver» AQSH harbiy dengiz kuchlarining yangi turdagi submarinasi bo‘lib, «Virjiniya» sinfidagi 18-tezkor zarbavor suvosti kemasiga aylandi. U dushman suvosti va suv ustidagi kemalarini topib yo‘q qilishga mo‘ljallangan bo‘lib, 136 nafar ekipajdan iborat bo‘ladi. AQSH harbiy dengiz kuchlari ma’lumotiga ko‘ra, yangi suvosti kemasi «Tomagavk» qanotli raketalari bilan zarba bera oladi.
Foto: AP
115 metr uzunlikdagi kema suv tubiga 245 metrgacha sho‘ng‘ib, 25 uzel tezlikda harakat qila oladi. «Delaver» yadro yonilg‘isini 30 yilgacha almashtirmay harakatlanishi mumkin. XXI asrda ilk marta harbiy kemaga Delaver shtati nomi berilgan. AQSHning amaldagi prezidenti Jo Bayden 36 yil davomida mamlakat senatiga aynan Delaver shtatidan saylangan.
Taqdimotda qatnashgan Bayden rafiqasi bilan kemaga chiqib nutq so‘zladi: «Bosh qo‘mondon sifatida shuni aytmoqchimanki, qaynoq nuqtalarga yuborilayotgan askarlarimizni yaxshi tayyorgarlikdan o‘tkazish, ortga qaytgach, ular va oila a’zolariga g‘amxo‘rlik qilish millat sifatida bizning vazifamizdir», degan Bayden.
AQSH prezidenti mart oyi oxirida Polshaning Ukraina bilan chegadagi Jeshuv shahriga borib, AQSH armiyasining 82-havo desantchi kuchlari diviziyasi harbiylari bilan uchrashgan edi.
Yangi atom suvosti kemasi taqdimoti Ukrainadagi urush fonida va AQSH mudofaa uchun rekord miqdorda (795 milliard dollar) pul sarflashini e’lon qilgan 2022 yilga to‘g‘ri keldi. Kentukkilik senator Mitch Makkonnellning aytishicha, katta pul ajratilganiga qaramay, inflyatsiya sabab AQSH mudofaa tizimi «joyida turib qolishi» ham mumkin. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Borrel YEIning Isroil bilan muloqotini to‘xtatishni taklif qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Blinken Isroildan uchta muammoni hal etishni talab qildi
Erdo‘g‘on Turkiya Isroil bilan aloqalarini uzganini ma’lum qildi
Sirdaryoda YTH sodir etgan haydovchidan pul olgan YPX xodimi qamaldi
Revanshda g‘alaba qozonish uchun Tayson Fyuriga nima kerak?
