Yurib ovqatlanish salomatlikka xavf solishi ma’lum qilindi

Ko‘pchilik uchun vaqt tanqisligi tufayli yo‘l-yo‘lakay ovqatlanish oddiy holga aylandi, lekin shifokorlar bu odat sog‘liqqa jiddiy xavf ekanini yana bir bor eslatmoqda, deb xabar berdi gazeta.ru. Pirogov universiteti 2-sonli gospital pediatriya kafedrasi dots.nti Olga Tarasova ta’kidlashicha, ovqatni shoshilinch, chaynamasdan va harakatda iste’mol qilish inson organizmida stressni keltirib chiqaradi, natijada oshqozon-ichak tizimiga zarar yetadi.

Tarasovaga ko‘ra, ovqat hazm qilish jarayoni og‘iz bo‘shlig‘ida boshlanadi. Agar inson yugurib yoki mashinada harakatlanib ovqatlansa, kamroq chaynaydi, bu esa og‘iz bo‘shlig‘ida fermentlar ishini cheklaydi, oshqozon-ichak trakti esa tayyorlanishga ulgurmaydi. Natijada, organizmda kortizol — stress gormoni ishlab chiqariladi va tana ovqatni to‘liq hazm qila olmaydi.

Mutaxassis ta’kidlaydi: bu jarayon doimiy ravishda takrorlansa, ortiqcha ovqatlanish, og‘irlik hissi, ya’ni to‘qlikka yetib kelmaslik holatlari paydo bo‘ladi. Bunday ovqatlanishda, asosan, tez tayyor bo‘luvchi yog‘li va uglevodli taomlar iste’mol qilinadi, oqsil esa kam. Bu esa to‘qlik hissini tez tarqatib, insonni yana ovqatlanishga majbur qiladi, shuningdek, metabolik kasalliklar, semizlik va yurak-qon tomir kasalliklariga sabab bo‘ladi.

Shifokorlar yana bir jihatga e’tibor qaratishadi: shoshilinch ovqatlanish oshqozon-ichak fermentlarini eritib, ichak mikroflorasining buzilishiga, gastrit, kolit va funksional buzilish sindromlariga olib keladi. Har kuni yo‘l-yo‘lakay ovqatlanishni odat qilib olganlar orasida hazm tizimi muammolari va saraton xavfi yuqoriroq bo‘ladi.

Tarasova ovqatni tinch va vaqt ajratgan holda, yaxshilab chaynab, to‘g‘ri ratsionga rioya qilgan holda iste’mol qilishni maslahat beradi. Bu nafaqat oshqozon-ichak salomatligini, balki umumiy sog‘lik va energiyani ham yaxshilaydi.

Zamin.uz esa, sog‘lom turmush va ratsional ovqatlanish haqida eng so‘nggi va ishonchli tavsiyalar bilan o‘quvchilarini tezkor ravishda xabardor qilib boradi. “Zamin”ni Telegramʻda oʻqing!