Ko‘z ifodasini o‘tkir va jozibador qiladigan asosiy jihatlardan biri — sog‘lom va qalin kipriklar. Ularning tabiiy ravishda o‘sishi uchun maxsus parvarish, to‘g‘ri ovqatlanish va salomatlik odatlariga amal qilish zarur.
Makyajdan to‘g‘ri xalos bo‘lish
Kechqurun uxlashdan oldin kipriklarni tush va podvodkadan tozalash — sog‘lom o‘sishning birinchi qadami. Mitsellyar suv yoki ko‘z uchun maxsus tozalash vositasi kiprik follikullariga zarar yetkazmasdan makyajni olib tashlaydi.
To‘g‘ri oziqlanish
Kipriklar tuzilishida keratin asosiy o‘rin tutadi. Shu bois tuxum, baliq, go‘sht kabi oqsillarga boy taomlar hamda A, C, E vitaminli meva-sabzavotlar iste’moli ularning sog‘lom o‘sishiga yordam beradi. Omega-3 yog‘ kislotalari ham mustahkamlikni oshiradi.
Tabiiy moylar kuchi
Kechasi kastor yog‘i yoki bоdоm moyini kiprik ildizlariga yengilgina surish — ularni oziqlantirib, qalinlashtiradi. Moy follikullarni faollashtirib, yangi kiprik chiqishiga turtki beradi.
Zararli odatlardan saqlanish
Har kuni sun’iy tush yopishtirish yoki qattiq tush surish kiprikni sinadi va zaiflashtiradi. Shuningdek, ko‘zlarni qattiq ishqalash ham follikullarga zarar yetkazishi mumkin.
Turmush tarzi va salomatlik
Yetarli uyqu, stressni kamaytirish va sog‘lom turmush tarzi kipriklar o‘sishida katta rol o‘ynaydi. Organizmda suv yetarli miqdorda bo‘lishi ham ularning jozibasini saqlab qoladi.
Mutasaddilar va kosmetologlar aytishicha, muntazam parvarish va to‘g‘ri ovqatlanish bilan har qanday kiprik uzun va qalin ko‘rinishga ega bo‘lishi mumkin.
“Zamin”ni Telegramʻda oʻqing!
