Ayrim oziq-ovqatlar foydali boʻlsa-da, ularni ortiqcha isteʼmol qilish salomatlikka salbiy taʼsir koʻrsatishi mumkin. Koʻpchilik foydali mahsulotlarni ham meʼyordan ziyod isteʼmol qilish xatosiga yoʻl qoʻyadi. Bu esa organizmda nomutanosiblikka olib keladi.
Masalan, shakar va shirinliklarni koʻp isteʼmol qilish qonda glyukoza miqdorini oshiradi. Bu holat diabet va ortiqcha vaznga sabab boʻlishi mumkin. Shuningdek, yogʻli ovqatlar yurak-qon tomir tizimiga zarar yetkazadi.
Hatto tabiiy mahsulotlar ham ortiqcha isteʼmol qilinsa, foyda oʻrniga zarar keltirishi mumkin. Masalan, tuzni koʻp yeyish qon bosimini oshiradi. Meva va sharbatlarni koʻp isteʼmol qilish ham ortiqcha shakarga olib keladi.
Mutaxassislar har qanday mahsulotni meʼyorda isteʼmol qilishni tavsiya etadi. Muvozanatli ovqatlanish sogʻliqni saqlashning asosiy omillaridan biri hisoblanadi. Shu orqali koʻplab kasalliklarning oldini olish mumkin.
“Zamin”ni Telegramʻda oʻqing!
