Foto: Pexels
Boyoʻgʻli yoki soʻfitoʻrgʻay ekaningiz muhim emas. Toʻgʻri oʻtkazilgan tong – yaxshi va unumdor kun garovidir. U ana shunday boʻlishi uchun bari kechki payt rejalashtirilishi kerak. Axir rejasiz erta turgach, toʻshakda qolishda davom etishingiz ehtimoli katta. Bundan tashqari, agar kech uxlab, erta tursangiz, kuningiz unumli boʻlmaydi. Axir toʻyib uxlamaslik miya funksiyalarini pasaytiradi.
Hech boʻlmaganda 10 daqiqa oʻzingiz bilan vaqt oʻtkazing
Erta turishning katta foydasi – yolgʻizlikda boʻlish imkoniyati. Hatto bir oʻzingiz yashamasangiz ham uydagilardan vaqtliroq turib, oʻzingizga hech boʻlmaganda 10-30 daqiqa ajrata olasiz. Bu xotirjam boʻlish, unumli kunga sozlanish, bir finjon choy va qahva ichishning ayni vaqti.
Bir stakan suv iching
Albatta, bu tavsiya istalgan vaqt uchun dolzarb. Biroq tongda juda muhim, chunki uyqu vaqtida organizm suv miqdorini yoʻqotadi. Uni zudlik bilan toʻldirish zarur.
Foto: Pexels
Badantarbiya qiling
Qiyin jismoniy mashqlar boʻlishi shart emas. Aksincha, choʻziling, qisqa tortilishlar qiling. Bundan tashqari, mashqlar miyani yaxshiroq ishlashga majbur qiladi.
Uzoq muddatli ishlar bilan shugʻullaning
Masalan, ingliz tilini mukammal darajada bilishni istaysiz. Ertalabda Coursera yoki TEDʻdagi videolarni tomosha qiling. Hatto 15 daqiqa ham sizni maqsadingizga yaqinlashtiradi.
“Qurbaqani yeng”
Albatta, bu metafora qoʻllangan nom. Tongda sizdan maksimal harakat talab etadigan ishlarni bajarish lozim. Agar ertalab buni uddalasangiz, demak boshqa maqsadlarni ham bajara olasiz. Bundan tashqari, iroda shunday resurski, kechga borib, u talab etiladigan ishlarni bajarish qiyinroq boʻladi.
Foto: Pexels
Sovuq dush qabul qiling
Yoki kontrast. Bu sizni tetiklantirib, quvvatga toʻldiradi. Ayniqsa, qiyin boʻlmagan jismoniy mashqlar bilan birgalikda yaxshi natija beradi.
Manba: Kun.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Slovakiya bosh vaziri Putinning taklifini qabul qildi
Medvedev Rossiya NATO harbiy bazalariga zarba yo‘llashi mumkinligini istisno qilmadi
Organizmda qaysi turdagi vitamin yetishmayotganini qanday aniqlash mumkin?
O‘zbekistonda onkologik kasallikka chalingan ayollar bepul davolanadi
Gretsiyada minglab odamlar NATOga qarshi namoyish o‘tkazdi
Endi «Doimiy yashash joyiga ro‘yxatga qo‘yish» qulaylashdi (video)
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
Bosh kiyimsiz yurishning organizmga qanday ta’siri bor?
