Milliy statistika qo‘mitasi 2025 yilning yanvar–sentyabr oylari uchun kartoshka yetishtirish ko‘rsatkichlarini e’lon qildi. Ma’lumotlarga ko‘ra, Samarqand viloyati mamlakat bo‘yicha kartoshka yetishtirishda yaqqol yetakchiga aylandi.
Hisobot davrida respublikadagi barcha toifadagi xo‘jaliklar tomonidan qariyb 3,1 million tonna kartoshka yetishtirilgan. Bu ko‘rsatkich mamlakat qishloq xo‘jaligidagi muhim natijalardan biri sifatida qayd etildi.
Hududlar kesimida eng ko‘p kartoshka yetishtirilgan viloyatlar quyidagicha:
– Samarqand viloyati — 631 922 tonna
– Toshkent viloyati — 320 053 tonna
– Farg‘ona viloyati — 317 426 tonna
– Surxondaryo viloyati — 316 052 tonna
– Andijon viloyati — 306 060 tonna
Shuningdek, Namangan viloyatida 298 992 tonna, Buxoro viloyatida 278 682 tonna, Qashqadaryoda 168 317 tonna, Xorazmda 140 672 tonna, Navoiyda esa 83 552 tonna kartoshka yetishtirilgan.
Eng past ko‘rsatkich Toshkent shahri hisobiga to‘g‘ri kelgan — jami 429 tonna.
