O‘zbekistonning tashqi savdo aylanmasi 72,8 milliard AQSH dollariga yetdi. Bu ko‘rsatkich o‘tgan yilning shu davri bilan taqqoslaganda 13 milliard dollarga yoki 21,8 foizga oshgan.
Tahlillarga ko‘ra, mamlakat tashqi savdosida import hajmi hali ham eksportdan yuqori bo‘lib qolmoqda. Jumladan, eksport 30,9 milliard dollarni tashkil etib, yillik hisobda 26,2 foizga o‘sgan. Import esa 41,9 milliard dollarga yetgan bo‘lib, 18,7 foizlik o‘sish qayd etilgan.
Ayni paytda O‘zbekiston dunyoning 210 ta mamlakati bilan savdo-iqtisodiy aloqalarni amalga oshirmoqda. Tashqi savdo aylanmasida eng katta ulush Xitoy hissasiga to‘g‘ri kelib, u umumiy savdoning 20,1 foizini tashkil etmoqda. Ikkinchi o‘rinda Rossiya (16,2 foiz), undan keyin Qozog‘iston (6 foiz), Turkiya (3,7 foiz) va Koreya Respublikasi (2,2 foiz) joy olgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
