Qashqadaryoda gaz quyish shoxobchasida yongʻin sodir boʻldi (video)

Qashqadaryoda gaz quyish shoxobchasi yonib ketdi. FVB voqea tafsilotlarini e'lon qildi.

7 oktyabr kuni soat 15:45 da Qashqadaryo viloyati, Qarshi tumani «Dasht» MFY hududidan oʻtuvchi, «Gʻuzor-Qarshi» avtomobil yoʻlida joylashgan avtomobillarga suyultirilgan gaz quyish shoxobchasida «Kamaz-512» rusumli avtomobilidan gaz saqlash yomkostiga gaz quyish vaqtida gaz-havo aralashmasining chaqnashi sodir boʻlgan. Chaqnash natijasida yongʻin yuzaga kelgan.

Shunga koʻra, 4 ta yongʻin-qutqaruv ekipaji hodisa joyiga etib borib, yongʻin oʻrab olingan va oʻchirilgan.

Yongʻin natijasida shoxobcha binosining 22 kv.m maydonda tom qismi yonib zararlangan. Yongʻin natijasida tan jarohati olgan va vafot etganlar yoʻq.

Hozirda yongʻin sababi va moddiy zarar miqdori aniqlanmoqda. Voqea joyiga viloyat va tuman FVB rahbar xodimlari chiqqan, deyiladi xabarda. “Zamin” yangiliklarini “Telegram”da kuzatib boring