Yulduz Rajabova nimadan qiynalgani va kuchli og‘riqni his qilgani haqida gapirdi (foto, video)

^{Foto: Instagram}
Aktrisa Yulduz Rajabova boshlovchi jurnalist Tursunoy Alimovaga bergan intervyusida qalb kechinmalari bilan o‘rtoqlashdi.

— So‘nggi uch-to‘rt yil ichida, men emas, balki ijtimoiy tarmoqlarda hayotim haqida ko‘proq biladigan insonlar bordek tuyuldi. U paytda juda og‘ir ahvolda edim. Shu narsani tushunib yetdimki, agar qiz bola tug‘ilganidanoq otasi yoki akasi unga sevgi qanday bo‘lishi kerakligini ko‘rsatmasa yoki mehr bermasa, ayol sevgi qanday bo‘lishini bilmaydi.

^{Foto: Instagram}
— Mehr ko‘rmagan qiz ertami-kechmi kelin bo‘lganida, ehtimol turmush o‘rtog‘i unga qo‘l ko‘tarsa, buni normal holat deb o‘ylaydi. Ayol kishining hayoti bolalikdagi mehrga qanchalik bog‘liq ekanini tushunyapsizmi? Hozir meni xafa qilgan narsalar bilan yana bir bor yuzlashyapman va takror og‘riqlarni his qilyapman. Meni “Nimaga o‘shanda o‘zimni himoya qila olmadim?” degan savol qiynamoqda.

Yulduz Rajabova qanday xatolar kechirilmasligi haqida gapirdi.

^{Foto: Instagram}
— Nazarimda kechirilmaydigan xatolardan biri — bir insonning hayotini, turmush tarzini, tarbiyasini yoki fikrlarini o‘ziga mos qilib o‘zgartirish harakatidir, deb o‘ylayman. Misol uchun, sizning boshingizdan o‘tgan narsani men his qilolmayman. Men faqat eshitishim va uni sal bo‘lsa ham his qilib ko‘rishga harakat qilishim mumkin. Lekin men agar o‘z xohishim bilan sizni o‘zgartirmoqchi bo‘lsam, bu bir insonning hayotiga ruxsatsiz kirish bo‘ladi.
Tasavvur qiling, siz bir inson uchun o‘zligingizdan voz kechyapsiz. Agar o‘sha insonga kerak bo‘lmay qolsangiz nima bo‘ladi?

^{Foto: Instagram}
— Men insonlarning ko‘nglini olish uchun o‘zimni yo‘qotib qo‘yganimni his qildim. Bu menga halovat bermadi. Ular bilan jismonan yaqin edim, biroq qalblar orasidagi masofa mashriq bilan mag‘rib oralig‘igacha edi, deydi Yulduz Rajabova.
“Zamin” yangiliklarini “Youtube”da kuzatib boring