Samarqand viloyatida Gentra avtomobili ikki piyodani urib yubordi. Bu haqda Ichki ishlar vazirligi Jamoat xavfsizligi departamenti Yo‘l xavfsizligi xizmati xabar berdi.
Hodisa 17-fevral kuni taxminan soat 14:10 da viloyatning “Buxoriy” mahallasi hududidan o‘tuvchi Nurpoya ko‘chasida sodir bo‘lgan. Harakatlanib kelayotgan Gentra rusumli avtomobil Cobalt bilan to‘qnashgan va yo‘lning o‘ng chetida turgan ikki piyodani urib yuborgan.
Natijada, piyodalar jarohatlanib, darhol shifoxonaga yetkazilgan. Hozirda Samarqand YHXB YTH bo‘limi voqea tafsilotlarini aniqlash uchun tergov harakatlarini olib bormoqda.
“Haydovchilarni tezlikka rioya qilishga, yo‘lda hushyor bo‘lishga va svetofor signaliga qat’iy amal qilishga chaqiramiz. Unutmang, yo‘llardagi xavfsizlik har bir harakat ishtirokchisiga bog‘liq”, – deyiladi rasmiy xabarda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
