Surxondaryoda mast erkak qizining "nomusi" uchun yigitni o‘ldirdi

Surxondaryo viloyatida mast erkak yosh yigitni pichoqlab o‘ldirdi. Hodisa mahalladagi mish-mishlar tufayli sodir bo‘lgan, deb xabar beradi Millar.

Tergov ma’lumotlariga ko‘ra, yosh yigit qizning uyiga kelgan. Bu haqdagi gap-so‘zlar mahallada tez tarqalib, 48 yoshli otasining qulog‘iga yetib borgan. U o‘zini "sharmanda bo‘ldi" deb hisoblab, spirtli ichimlik ichgan holda yigitning uyiga yo‘l olgan.

U yerda u yigitni chaqirib, unga baqira boshlagan va oxir-oqibat bir necha bor pichoq bilan jarohat yetkazgan. Jabrlanuvchi voqea joyida halok bo‘lgan.

Sud jarayonida ayblanuvchi o‘z aybini qisman tan oldi va pushaymonligini bildirdi. Unga O‘zbekiston Respublikasi Jinoyat kodeksining 97-moddasi 1-qismi (Qasddan odam o‘ldirish) bo‘yicha 12 yil ozodlikdan mahrum etish jazosi tayinlandi. “Zamin” yangiliklarini “Telegram”da kuzatib boring