Sog‘liqni saqlashda raqamlashtirish va shaffoflik: DMED tizimi nimalarni o‘zgartiradi?

Oliy Majlis Qonunchilik palatasida navbatdagi “Hukumat soati” bo‘lib o‘tdi. Unda Sog‘liqni saqlash vazirligida korrupsiyaga qarshi kurash, raqamlashtirish va axborot tizimlarini joriy etish yuzasidan amalga oshirilayotgan ishlar muhokama qilindi.

Yig‘ilishda Sog‘liqni saqlash vaziri o‘rinbosari Olim Omonov deputatlarga DMED — yagona tibbiyot axborot tizimi bo‘yicha batafsil axborot berdi.

24 million fuqaro elektron kartada
DMED axborot tizimi hozirgacha:
- 24 million fuqaroning elektron tibbiy kartasini shakllantirish imkonini berdi,
- 2 571 ta birlamchi tibbiy muassasadan 2 475 tasida tizim joriy qilingan,
- Yanada kengaytirish uchun jadal jihozlash va xodimlar o‘qitilishi davom etmoqda.

“Elektron retsept” — yashirin kelishuvlarga qarshi kurash

Farmatsevtika sohasidagi yopiq kelishuvlarni cheklash maqsadida “Elektron retsept” moduli ishlab chiqilgan. U:
- Dorilarning dozasi va shaklini hisobga olgan holda elektron retsept yozishni ta’minlaydi,
- Retsept asosida dorini markirovka qilingan holda sotish imkonini beradi,
- Barcha jarayonlar avtomatlashtiriladi, inson omili kamayadi,
- Bemorlar mobil ilova orqali o‘z retseptlarini kuzatib borishi mumkin bo‘ladi.

Har bir bemor — nazoratda
Tizim doirasida aholi va shifokorlar uchun:
- Mobil ilovalar ishlab chiqilgan,
- Har bir bemor o‘z retsepti va ta’inlanish jarayonini real vaqtda kuzatishi mumkin.

Shaffoflik va avtomatlashtirish — korrupsiyaga qarshi kuchli qadam
Olim Omonov ta’kidlaganidek, raqamlashtirish nafaqat samaradorlik, balki:

“Tibbiyotdagi korrupsion omillarni keskin kamaytirish, resurslardan to‘g‘ri foydalanish va
bemorning huquqiy himoyasini ta’minlashda muhim qadam.”

Siz nima deb o‘ylaysiz: elektron retsept va mobil kuzatuvlar shifokor va bemor o‘rtasida ishonchni oshiradi deb hisoblaysizmi? “Zamin”ni Telegramʻda oʻqing!