Toshkentda narkotik iste’mol qilgan haydovchi avtohalokatga sababchi bo‘ldi

2024-yil 19-aprel kuni soat 07:30 atrofida Toshkent shahri Chilonzor tumanida yo‘l-transport hodisasi yuz berdi, deb xabar berdi SBDD DOB IIV matbuot xizmati.

Maʼlumotlarga ko‘ra, “Lacetti” avtomobilini boshqargan ayol ichki ishlar organlari xodimlarining qonuniy talablariga bo‘ysunmasdan, qochishga uringan. Qochish davomida u yo‘lda o‘nlab avtomobillarga urilgan. Guvohlarning so‘zlariga ko‘ra, taxminan 30 ta avtomobil zarar ko‘rgan.

Voqea guvohlari tomonidan avtomobil to‘xtatilgan, haydovchi ayol mashinadan kuch bilan chiqarilib, huquq-tartibot xodimlari kelguniga qadar ushlab turilgan. Tekshiruvlar davomida haydovchi va uning yo‘lovchilari narkotik moddalar iste’mol qilgani aniqlangan. Bundan tashqari, haydovchining haydovchilik guvohnomasi ham bo‘lmagan.

Holat yuzasidan O‘zbekiston Respublikasi Jinoyat kodeksining 277-moddasi 3-qismi (“Bezorlilik”) bo‘yicha jinoyat ishi qo‘zg‘atildi. Haydovchi va uning yo‘lovchisi protsessual tartibda qo‘lga olingan. Ularni 5 yilgacha ozodlikdan mahrum qilish jazosi kutmoqda.
“Zamin”ni Telegramʻda oʻqing!