Toshkentda erkak Central Park’dagi ko‘lmakdan baliq o‘g‘irladi

Toshkentdagi Central Park hududida erkak kishi ko‘lmakdan qo‘l bilan baliq ushlagan, deb nova24.uz xabar berdi. Voqea 24-iyun kuni ijtimoiy tarmoqlarda tarqalgan video orqali ma’lum bo‘ldi.

Kadrda erkak baliqni tutib olib ketmoqchi bo‘lgani aks etgan. Uni bu ishidan qaytarishga uringan ayolga erkak haqoratli so‘zlar aytgan.

Voqea guvohlari erkakni to‘xtatib, baliqni suvga qaytarishga majbur qilishgan. Mas’ul idoralar hozircha holat bo‘yicha izoh bermagan.

Eslatib o‘tamiz, bundan oldin ham ushbu parkda Qashqadaryolik oila oqqushni ushlab, uni kechki ovqatga pishirgani haqida xabarlar tarqalgan edi.