Oliy ta’lim, fan va innovatsiyalar vazirligi ijtimoiy tarmoqlarda tarqalgan yotoqxonaga joylashtirishdagi muammolar yuzasidan rasmiy munosabat bildirdi, deb xabar berdi Uz24.uz.
Ma’lum qilinishicha, arizalar maxsus ma’muriy reglament asosida ko‘rib chiqilmoqda. Ustuvorlik esa ijtimoiy himoyaga muhtoj talabalarga beriladi.
2025-yil 12-sentyabr holatiga ko‘ra, 63 804 nafar 1-bosqich talabalaridan 40 265 nafari avtomatik yo‘llanma oldi. 21 767 talaba esa navbatda turibdi: 15 796 nafari kunduzgi, 5 450 nafari esa OTM hududida yashovchilar.
“Jarayonda” statusi: bu rad etish emas, balki bo‘sh o‘rinlar bo‘yicha avtomatik navbat shakllanganini anglatadi. Talabalar murojaati bekor qilinmaydi, bo‘sh joy paydo bo‘lishi kutiladi.
Qo‘shimcha imkoniyat: oylik ijara to‘lovlarining ma’lum qismi davlat tomonidan qoplab beriladi.
“Zamin”ni Telegramʻda oʻqing!
