2025 yil 3 oktyabr kuni tongda Qashqadaryo viloyati Nishon tumanida yo‘l-transport hodisasi yuz berdi. Hodisa oqibatida “Hududgaz Qashqadaryo” gaz ta’minoti Nishon filiali rahbari hayotdan ko‘z yumdi. Voqea tungi soatlarda sodir bo‘lgan va paxta shtabidan qaytib kelayotgan mashina yo‘l yoqasidagi zovurga tushib ketgani haqida xabarlar tarqaldi. Voqeadan xabardor manba marhumning jasadi tonggacha shu yerda qolganini aytdi.
“Daryo” jurnalistining so‘roviga javob bergan “Hududgaz Qashqadaryo” filiali axborot xizmati Nishon filiali rahbari vafoti haqida tasdiqladi va ta’ziya bildirdi. Biroq, ular marhumning o‘ligi zovurda topilgani va paxta shtabidan qaytib kelayotgani haqidagi xabarlarni rad etdi. Ta’kidlanishicha, marhum hodisa vaqtida transport vositasida yo‘lovchi sifatida harakatlangan.
Viloyat gaz filiali vakili “Avtomobilda yo‘lovchi sifatida ketayotgan ekan. Voqea voqean ham tungi paytda sodir bo‘lgan” deb ma’lum qildi.
Qashqadaryo viloyat IIB YHXB axborot xizmati ham “Daryo”ga ma’lum qilishicha, Nishon tumangaz ta’minoti korxonasi rahbari o‘limiga sabab bo‘lgan YTH 3 oktyabr kuni tongda sodir bo‘lgan. YTHning ikki ishtirokchisi bo‘lgan: ulardan biri shifoxonada vafot etgan, biri tirik qolgan.
Hodisa haqidagi ma’lumotlarga ko‘ra, YTHning ikkinchi ishtirokchisi Nishon tuman Kadastr agentligi tuman bo‘limi xodimi bo‘lgani ma’lum qilingan. Bu fojiali voqea mahalliy aholi orasida chuqur g‘am va hayrat tug‘dirdi.
“Zamin”ni Telegramʻda oʻqing!
