So‘nggi kunlarda ijtimoiy tarmoqlarda siyosiy muhokamalar yana keskin tus oldi. Foydalanuvchilarning bir qismi jamoat faoli Hamid Sodiqni himoya qilayotgan bo‘lsa, ikkinchi qismi bloger Abror Muxtor Aliy tarafini olmoqda, deb xabar berdi mahalliy manbalar.
Masala Hamid Sodiqka nisbatan tahdidlar bo‘lgani haqidagi iddaolardan keyin yanada qiziy boshladi. Ayni vaqtda 30 nafar jurnalist, advokat, olim va faol Abror Muxtor Aliy ustidan sudga shikoyat kiritgani ma’lum qilindi.
Sobiq deputat Rasul Kusherbayev ham bu vaziyatga munosabat bildirib, so‘z va fikr erkinligi davlat tomonidan himoya qilinishi lozimligini ta’kidladi. Uning fikricha, diniy asosda kimnidir “ommaviy sazoyi qilish” O‘zbekiston Konstitutsiyasida yo‘l qo‘yilmaydi.
«Abror Muxtor Aliyning ayrim chiqishlarida davlatning dunyoviylik tamoyiliga qarshi chaqiriqlar bor, bu esa insonlarning konstitutsiyaviy huquqlariga tahdid sifatida baholanishi mumkin», — deb yozdi Kusherbayev.
Inson huquqlari faoli Abdurahmon Tashanov ham mazkur holatga huquqiy baho berish zarurligini bildirdi.
Hozirda jamoatchilik Muxtor Aliyning bayonotlariga rasmiy organlar tomonidan huquqiy munosabat bildirilishini kutmoqda.
“Zamin”ni Telegramʻda oʻqing!
