Samarqand shahrida kechasi kichik qizaloq quduqqa tushib ketdi, deb xabar berdi Favqulodda vaziyatlar vazirligi matbuot xizmati.
Ma’lumotlarga ko‘ra, hodisa 7 noyabr kuni soat 22:48 atrofida “Abu Rayhon Beruniy” ko‘chasida sodir bo‘lgan. Qo‘rquv va sarosimaga tushgan aholi FVVga murojaat qilib, bolani qutqarish uchun yordam so‘ragan.
Qutqaruvchilar voqea joyiga zudlik bilan yetib borib, maxsus jihozlar yordamida qizaloqni quduqdan chiqarishgan. Operatsiya tez va aniq harakatlar bilan amalga oshirilib, bola jarohat olmagan holda qutqarilgan.
FVV ma’lum qilishicha, qizaloq sog‘-salomat holda ota-onasiga topshirilgan. Mutasaddilar aholini bunday holatlarni oldini olish uchun xavfsizlik qoidalariga qat’iy rioya etishga, ayniqsa bolalarni qarabsiz qoldirmaslikka chaqirdi.
Samarqanddagi ushbu holat yana bir bor ehtiyotsizlik nechog‘lik xavfli ekanini eslatdi.
“Zamin”ni Telegramʻda oʻqing!
