Kiyim ichiga 30 qush yashirgan fuqaro chegarada ushlandi

Toshkent viloyatidagi “Navoiy” chegara bojxona postida noodatiy holat aniqlandi: bojxonachilar qo‘shni davlatdan kirib kelayotgan fuqaroning harakatlaridan shubha qilib, uni maxsus skaner orqali tekshirishdi.

Tasvirlarda standartga to‘g‘ri kelmaydigan konturlar ko‘ringach, fuqaro belgilangan tartibda shaxsiy ko‘rikdan o‘tkazilgan. Tekshiruv chog‘ida eng kutilmagan manzara ochildi — erkak kiyimining ichki qismiga 30 bosh sa’va qushini yashirib olgani ma’lum bo‘ldi. U buni na og‘zaki aytgan, na deklaratsiya qilgan.

Hozirda holat yuzasidan bojxona organlari tekshiruv olib boryapti. Ayni kunlarda Samarqandda CITEC konferensiyasi bo‘layotgani inobatga olinsa, bunday qonunbuzarliklarning oldini olish yanada muhim ahamiyat kasb etmoqda.