Ijtimoiy tarmoqlarda Surxondaryo viloyati, Boysun tumanidagi gaz alangasi aks etgan video muhokamalarga sabab bo‘ldi. Aholi orasida bu holat "gaz sizib chiqishi" yoki favqulodda portlash deb talqin qilindi.
Ammo Energetika vazirligi holat yuzasidan rasmiy bayonot berdi. Qayd etilishicha, bu — "M-25" konining 202-son qudug‘ida bir hafta avval kuzatilgan geologik jarayon natijasi bo‘lib, avval yoqib qo‘yilgan olovning vaqtinchalik so‘nib, yana qayta yoqilishi bilan bog‘liq holatdir.
Mutaxassislar bu jarayonni nazorat ostidagi tabiiy geologik hodisa sifatida baholashmoqda. Energetika vazirligi ta’kidlashicha, havo va atrof-muhitga zararli moddalar chiqmasligi uchun bunday olov yoqish xalqaro amaliyotda qo‘llaniladigan usul hisoblanadi.
“Ayni damda “M-25” konidagi vaziyat barqaror. Barcha ishlar maxsus mutaxassislar tomonidan nazorat qilinmoqda. Bu usul sanoat xavfsizligi talablariga to‘la javob beradi,” — deyiladi rasmiy bayonotda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
