Farg‘ona viloyatida o‘tkazilgan profilaktik chora-tadbirlar davomida qimmatligi 7 milliard so‘mdan oshgan giyohvand moddalar qo‘lga olindi. Bu haqda viloyat Ichki ishlar boshqarmasi ma’lum qildi.
Ma’lumotlarga ko‘ra, noyabr oyi mobaynida “Xavfsiz va sog‘lom yurt” dasturi doirasida IIB, DXX va boshqa huquqni muhofaza qilish idoralari hamkorligida yirik miqyosdagi tezkor reydlar tashkil etildi. Tadbirlar natijasida 30 kilogrammdan ziyod, taxminan 60 ming dozadan iborat giyohvandlik moddalari hamda 17 mingdan ortiq kuchli ta’sir etuvchi dori vositalari aylanmadan olib tashlandi.
Huquqni muhofaza qiluvchi idoralar hisob-kitobiga ko‘ra, ushbu moddalar fuqarolar orasida 20 mingga yaqin zaharlanish holatiga sabab bo‘lishi mumkin edi. O‘tkazilgan reydlar esa bu xavfning oldini olib, viloyatdagi jamoat xavfsizligini mustahkamlashga xizmat qildi.
Tegishli idoralar tomonidan hodisa yuzasidan qo‘shimcha surishtiruv ishlari olib borilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
