Nyu-York shahrida ro‘y bergan fojiali yo‘l-transport hodisasi oqibatida 11 yoshli o‘zbekistonlik qizaloq — Amira Aminova halok bo‘ldi. Bu haqda O‘zbekistonning Nyu-Yorkdagi Bosh konsulxonasi rasmiy bayonot berdi.
Bosh konsulxona hodisa tafsilotlarini tasdiqlab, marhumaning onasi va yaqinlariga chuqur hamdardlik izhor etdi:
“Marhum qizaloqning onasi, yaqinlari va barcha qarindosh-urug‘lariga ushbu og‘ir va qaytarib bo‘lmas yo‘qotish munosabati bilan chuqur ta’ziya bildiramiz.”
Diplomatik vakolatxona A. Aminovaning onasi bilan doimiy aloqada bo‘lib turibdi. Shuningdek, Nyu-York shahridagi tegishli idoralar bilan hamkorlikda huquqiy va tashkiliy masalalar bo‘yicha zarur yordam ko‘rsatilmoqda.
Bu og‘riqli hodisa vatandoshlarimiz yuragida chuqur iz qoldirdi. Marhumaning oilasiga sabr-tilab, nurli xotirasi oldida bosh egamiz.
“Zamin”ni Telegramʻda oʻqing!
