2024 yil 15 apreldan boshlab Oʻzbekistonda bank kartalaridan mablagʻlarni toʻliq “nolgacha” yechib olish amaliyotiga cheklov joriy etildi. Uzcard toʻlov tizimi maʼlumotiga koʻra, endilikda moliyaviy tashkilotlar kreditlar, muddatli toʻlovlar, mikrokreditlar va boshqa qarz majburiyatlari boʻyicha kartada maʼlum minimal qoldiqni saqlab qolishi shart.
Yangi qoidaga muvofiq, banklar kartada kamida bazaviy hisoblash miqdorining 3 baravari, yaʼni 1 million 236 ming soʻmdan kam boʻlmagan mablagʻni qoldirishi kerak. Demak, agar kartada ushbu summadan kam pul boʻlsa, banklar avtomatik tarzda mablagʻ yechib olish imkoniyatiga ega boʻlmaydi.
Bu oʻzgarish aholi moliyaviy xavfsizligini taʼminlash, fuqarolarni toʻliq mablagʻsiz qolib ketish holatlarining oldini olish maqsadida joriy etilgani taʼkidlanmoqda.
“Zamin”ni Telegramʻda oʻqing!
