Olmaliqda chiqindi quvuri yorilib ketdi
Olmaliq kon-metallurgiya kombinatiga qarashli Mis boyitish fabrikasidan chiqindi saqlash omboriga olib boruvchi quvur soat 11:55 da yorilgan. OKMK mutaxassislari hodisa joyida ta’mirlash ishlarini olib borib, nosozlikni tezkorlik bilan bartaraf etgan. Hozir hududni tozalash ishlari davom etmoqda, yorilish sababi va yetkazilgan zarar miqdori bo‘yicha ma’lumot berilmadi.
Olmaliq kon-metallurgiya kombinatiga qarashli quvurda yorilish sodir bo‘ldi. OKMK Axborot xizmati ma’lumotiga ko‘ra, hodisa soat 11:55 da qayd etilgan.
Nosozlik Mis boyitish fabrikasidan chiqindi saqlash omboriga olib boruvchi quvurda yuzaga kelgan. Xabar kelib tushgach, kombinat mutaxassislari hodisa joyiga yetib borib, ta’mirlash ishlarini boshlagan.
Ma’lum qilinishicha, quvurdagi yorilish tezkorlik bilan bartaraf etilgan. Ayni paytda hodisa sodir bo‘lgan hududni tozalash ishlari davom etmoqda.
OKMK tomonidan quvurning yorilishiga nima sabab bo‘lgani va hodisa oqibatida qancha zarar yetgani haqida hozircha qo‘shimcha ma’lumot berilmadi.
Izohlar 0
…