Braziliyalik futbolchi Neymar o‘yindan so‘ng haqoratli so‘zlari bilan katta janjal ko‘tardi
"Santos"ning Braziliya kubogida "Remo"ni mag'lub etganidan so'ng Neymar raqib futbolchilari va muxlislarga keskin so'zlar aytib, mojaro keltirib chiqardi. Ikkinchi bo'limda maydonga tushgan futbolchi Ronining g'alaba goliga uzatma bergan edi. Videolarda Neymar "musobaqadan chiqdinglar" deb baqirib, raqsga tushgani aks etgan.
"Santos"ning Braziliya kubogida "Remo" ustidan qozongan g‘alabasidan keyin Neymar ishtirokida mojaro yuz berdi. Jamoasi keyingi bosqichga chiqqan bo‘lsa-da, uchrashuvdan so‘ng futbolchining raqiblarga qilgan munosabati asosiy muhokama mavzusiga aylandi.
Neymar ikkinchi bo‘limda maydonga tushib, Ronining g‘alaba goliga uzatma bergan edi. O‘yin yakunlangach, u kiyinish xonasiga yo‘l olar ekan, "Remo" futbolchilari va tribunadagi muxlislarga qarata keskin so‘zlar ishlatgan.
Videolarda Neymarning raqib jamoa vakillariga "musobaqadan chiqdinglar" deb baqirib, raqsga tushgani aks etgan. Bu harakatlar javob reaksiyasini keltirib chiqarib, yo‘lakdagi vaziyatni keskinlashtirgan.
Mojarodan keyin "Remo" prezidenti Antonio Karlos Teysheyra Neymarni qattiq tanqid qildi. U futbolchining bunday xatti-harakatini yosh muxlislarga namuna bo‘ladigan mashhur sportchiga munosib emas, deb baholadi va uni "daydi" deb atadi.
Izohlar 0
…