Ramzan Qodirov Shavkat Mirziyoyevni Chechenistonga taklif qildi

Checheniston Respublikasi rahbari Ramzan Qodirov O‘zbekiston Respublikasi Prezidenti Shavkat Mirziyoyevni Toshkentdagi uchrashuv vaqtida Grozniyga tashrif bilan kelishni taklif qildi.

«Men Shavkat Miromonovichga o‘ziga qulay vaqtda Rossiyaga — Chechenistonga tashrif buyurishni taklif etdim! Prezident Grozniyga kelishga va’da berdi!», deya yozib qolgan u Instagram’dagi sahifasida.

Qodirov Shavkat Mirziyoyev bilan O‘zbekiston va Checheniston o‘rtasida yaqin aloqalar o‘rnatish, ularga tizimli tus berish va yuqori darajaga olib chiqish haqida kelishib olgani, iqtisodiyot, ijtimoiy soha, madaniyat, sport, investitsiya siyosati bo‘yicha o‘zaro manfaatli hamkorlik masalalari muhokama etilganini qo‘shimcha qilgan. “Zamin”ni Telegramʻda oʻqing!