Aliment toʻlovchi chetga chiqishi uchun undiruvchiga 41 mln soʻm toʻladi (foto)

MIB Peshku tuman boʻlimi ish yurituviga FIB Peshku tumanlararo sudining 2017 yil 20 iyun kunidagi ijro hujjati boʻyicha qarzdor Adizov Paxlavondan undiruvchi Rajabova Farida foydasiga voyaga yetmagan 2 nafar farzandining moddiy taʼminoti uchun 1/3 qism miqdorida aliment undirish toʻgʻrisidagi ijro hujjati boʻlim ish yurituvida mavjud boʻlib, davlat ijrochisi tomonidan ijro ishi yuritishni qoʻzgʻatish toʻgʻrisida qaror chiqarilib, qaror nusxasi tomonlarga yuborilgan.

Mazkur ijro hujjati boʻyicha qarzdor tomonidan Oʻzbekiston Respublikasi Vazirlar Maxkamasining 2018 yil 6 oktyabrdagi 808-sonli “Alimentlarni oldindan toʻlash, shuningdek, aliment toʻlash majburiyatini taʼminlash boʻyicha garov shartnomasini tuzish tartibi toʻgʻrisidagi nizomni tasdiqlash haqida”gi qaroriga asosan 41 mln soʻm aliment toʻlovi oldindan toʻlangani uchun unga nisbatan Oʻzbekiston Respublikasidan chiqish huquqlarini cheklash toʻgʻrisidagi qaror bekor qilingan.
“Zamin”ni Telegramʻda oʻqing!