Oʻzbekiston Respublikasi Prezidenti Shavkat Mirziyoyev raisligida Nukus shahrida Qoraqalpogʻistonni har tomonlama rivojlantirish boʻyicha yigʻilish boʻlib oʻtmoqda.
Unda Qoraqalpogʻiston Respublikasi Joʻqorgʻi Kengesi va Vazirlar Kengashi, shahar va tumanlari sektor rahbarlari, vazirlik va idoralar mutasaddilari ishtirok etmoqda.
Barcha soha va hududlarda, jumladan, Qoraqalpogʻistonda ham ijobiy sifat oʻzgarishlari taʼminlanmoqda. Birinchi yarim yillikda yalpi hududiy mahsulot 7,2 foizga, qishloq xoʻjaligi mahsulotlari ishlab chiqarish 5,4 foizga, qurilish ishlari hajmi 45 foizga oʻsgan.
Prezidentimiz hududda hali jiddiy muammolar koʻpligini, sanoatni rivojlantirish, ish oʻrinlarini koʻpaytirish boʻyicha ishlar yetarli emasligini taʼkidladi.
- Bu yerga qarsak uchun emas, ishlash uchun, xalqimiz koʻzini koʻrish uchun keldim, - dedi Shavkat Mirziyoyev. - Dunyoqarashini oʻzgartirmagan sektor rahbarlari oyogʻimizga kishan. Ishga kirgan bitta xotin-qizning baxtini tasavvur qilasizlarmi? Yoshlarni kim yetaklaydi, toʻgʻri yoʻnalish beradi? Moʻynoq misolida koʻrdilaringiz. Odamlarning koʻzlarida “qilsa boʻlar ekan-ku” degan nur bor. Lekin endi bu tarix. Hamma tumanlarda shunday oʻzgarishlar qilish kerak.
Birinchi yarim yillikda Qoraqalpogʻistonda sanoat ishlab chiqarish hajmi atigi 0,5 foizga oʻsgani, Taxtakoʻpir, Shumanay, Nukus, Chimboy, Toʻrtkoʻl, Kegayli tumanlarida sanoat deyarli yoʻqligi tanqid qilindi. Xizmat koʻrsatish, tadbirkorlik rivoji ham sustligi koʻrsatib oʻtildi.
- Oxirgi uch yil mobaynida tub islohotlar natijasida koʻplab sohalarni erkinlashtirdik, ularning rivojiga xalaqit bergan cheklovlarni bekor qildik. Qoraqalpogʻistonda ham har bir sektor rahbari cheklovlarni bekor qilaman, tadbirkorga xizmat qilaman, degan qoida, shior bilan ishlashi kerak, - deya taʼkidladi Prezident.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zoir Mirzayev “Telefonsiz maktab”ga 300 mln so‘m mukofot berdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Uchar avtomobil yo‘lovchi bilan birinchi parvozini amalga oshirdi (video)
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi