Madonnaga qarashli “Malavini rivojlantiramiz” jamg‘armasi direktori Sara Ezzining xabar berishicha, pop-qirolichasi Malavining biznes poytaxti Blantayrda 50 o‘rinli bolalar shifoxonasini ochdi.
Malavilik ikki bolani asrab olgan Madonna o‘tgan yili Afrikaning eng qashshoq mamlakatlaridan birida o‘zi ajratgan mablag‘ evaziga qurilgan o‘nta maktabni tekshirishga kelgan, biroq uni sovuq kutib olishgandi.
Prezident Joys Bandaning ma’muriyati Madonna shunchaki o‘zini reklama qilayotganini, aslida bir nechta sinfxona qurilgani yoki ta’mirlanganini bayon etgandi.
Madonna esa bunday munosabat mamlakat prezidentining singlisi “Malavini rivojlantiramiz” jamg‘armasini boshqarayotgan paytda 3,8 mln. dollarni noo‘rin sarflagani uchun jamg‘armadan chetlatilganligi bilan bog‘liqligini bildirgandi.
Shu yilning mayida Banda prezidentlik saylovlarida mag‘lubiyatga uchradi. Mamlakatning yangi prezidenti Piter Mutarik esa “mamlakat xonandaning saxovatpeshaligini qadrlashini” bayon etdi.
Manba: Kun.uz “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
