10:32 / 17.07.2020
960

Hujjatlarni qalbakilashtirgan shaxs qamoqqa olindi

Hujjatlarni qalbakilashtirgan shaxs qamoqqa olindi
Toshkent shahrida korxona hujjatlarini qalbakilashtirib, juda katta miqdorda kredit olgan shaxsga nisbatan jinoyat ishi ochildi.
Toshkent shahar IIBB matbuot xizmati xabariga ko‘ra, 2019 yil sentyabr oyida MChJlardan birining rahbari va muassislaridan biri bo‘lmish 43 yoshli T.D. boshqa muassislarning imzolarini qalbakilashtirgan va bankdan 1,5 milliard so‘m kredit olish uchun hujjat tayyorlagan.

«Bu fakt asosida Jinoyat Kodeksining 228-moddasi 3-qismi bo‘yicha («Hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish») jinoiy ish qo‘zg‘atildi. Sud T.D.ga nisbatan qamoqqa olish ehtiyot chorasini qo‘lladi», deyiladi xabarda.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)