Prezident matbuot kotibi OAV uchun o‘tkazilgan an’anaviy brifingda boshlangan haftada davlat rahbari ishtirokida qanday tadbirlar rejalashtirilgani to‘g‘risida ma’lumot taqdim etdi. Shuningdek, Sherzod Asadov jurnalistlardan kelib tushgan savollarga ham javob berdi.
Brifingda ishtirok etgan Amerika Ovozi jurnalisti Navbahor Imomova prezident matbuot kotibidan Shavkat Mirziyoyev prezidentlikka yana o‘z nomzodini qo‘yishi haqida so‘radi.
Sherzod Asadov saylovga tayyorgarlik jarayoni boshlanganini, O‘zbekiston YEXHTning DIIHB missiyasini bir necha bor qabul qilgani, saylovni jahon standartlari bo‘yicha olib borishga tayyorgarlik ko‘rilayotganini bildirdi.
«Demak, saylovoldi jarayoni start berilishiga uncha ko‘p vaqt ham qolmadi, bu – iyul oyi oxiri. Nomzodlar kim, qachon o‘z nomzodini ilgari surishini, biz albatta mana shu muddatgacha kutishimiz kerak. Birinchi navbatda, bu har bitta nomzodning, har bir fuqaroning o‘z konstitutsiyaviy huquqi», dedi prezident matbuot kotibi.
- Ma’lumot uchun, prezident saylovini O‘zbekiston fuqarolari umumiy, teng va to‘g‘ridan to‘g‘ri saylov huquqi asosida yashirin ovoz berish yo‘li bilan amalga oshiradi. Ushbu lavozimga 35 yoshdan kichik bo‘lmagan, davlat tilini yaxshi biladigan, bevosita saylovgacha kamida 10 yil O‘zbekiston hududida muqim yashayotgan O‘zbekiston fuqarosi saylanishi mumkin. O‘zbekiston prezidenti besh yil muddatga saylanadi.
Odatga ko‘ra, O‘zbekiston prezidentligi saylovlarida asosiy nomzoddan tashqari boshqa partiyalarning yetakchilari ham o‘z nomzodini ilgari suradi. Prezident Shavkat Mirziyoyev 2016 yil dekabridagi saylovlarda Liberal-demokratik partiyadan nomzod bo‘lgandi.
Iyun oyi boshida «Milliy tiklanish» partiyasi yetakchisi Alisher Qodirov partiya prezidentlikka o‘z nomzodini iyun oyida e’lon qilishni rejalashtirayotganini ma’lum qilgandi.
Bundan tashqari, kuzdagi saylovlarda Adolat» SDP raisi Bahrom Abduhalimov, Xalq demokratik partiyasi raisi Ulug‘bek Inoyatov va Ekologik partiya raisi Narzullo Oblomurodov ham nomzod bo‘lishi kutilmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada maktab o‘quvchilari ommaviy ravishda islom dinini qabul qilmoqda
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
Rossiya dunyodagi birinchi vodorod yoqilg‘ili avtomobilni taqdim etdi
Mariya Zaxarova ukrainaliklarni Amerika hindulariga o‘xshatdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Qaysi kundalik odatlar immunitet pasayishiga olib kelishini bilasizmi?
