Tomoshabinlar orasida oʻtkazilgan soʻrovnomada Turkiyaning eng goʻzal aktrisasi aniqlandi

^{Foto: Pinterest}
Gecce nashri jurnalistlari soʻrovnomada ishtirok etgan tomoshabinlar fikriga asoslanib, turkiyalik eng goʻzal aktrisa nomini aniqladi. Soʻrov davomida mamlakatning 23 viloyatida yuzlab aholi bilan suhbat oʻtkazildi, deb yozadi «RusTurkey.com».

Qayd etilishicha, respondentlarning 49,2 foizi Ebru Shahinga ovoz bergan. Eslatib oʻtamiz, aktrisa oʻzbek tomoshabinlarga «Istanbullik kelin» va «Beqaror» seriallari orqali tanish. Aktrisa Turkiyada aynan «Beqaror» serialida suratga tushganidan keyin mashhurlikka erishdi.

^{Foto: Pinterest}
Ikkinchi oʻrinni (11,9 foiz ovoz) «Qulupnay hidi» va «309-raqam» serialida ishtirok etib, shuhrat qozongan aktrisa Demet Oʻzdemir egalladi.

^{Foto: Pinterest}
Koʻplab film va teleseriallardagi rollari bilan tanilgan Asli Enver kuchli uchlikka kirdi. Aktrisa «Istanbullik kelin» serialida bosh qahramon Sureyya obrazi bilan barchaning yodida qolgan.

^{Foto: Pinterest} “Zamin”ni Telegramʻda oʻqing!