400
Muqaddas Xoliqova va Zuhra Ashurova milliy teatrdagi mistik voqealar haqida gapirib berdi
O‘zbekiston xalq artisti Muqaddas Xoliqova va O‘zbekistonda xizmat ko‘rsatgan artist Zuhra Ashurova jurnalist Shohira Hamro bilan suhbatda o‘zbek milliy akademik drama teatridagi mistik voqealar haqida so‘zlab berdi.
“Ishlashga militsiya xodimlari, qorovullar keladi. Ketayotganimizda qolyapsizmi, ko‘rib qolsangiz salom deb qo‘yinglar, deb aytardik. Oldin tushunishmasdi. Zuhra opa, kimni aytyapsiz, deyishardi. Keyin men kechqurun sahnani aylanyapsizmi yoki uxlab yotibsizmi deb so‘rardim. Shunda ham ko‘rinmayaptimi, derdim. Qo‘rqitmang, deyishardi. Bir kuni bittasi keldi, kechqurun ko‘rib qolsangiz salom deb qo‘ying desam, unaqalardan qo‘rqmayman, konservatoriyada ham birdaniga pianino chalib qoladiganlari bor, o‘rganib ketganman, deb aytgan”, — deydi Zuhra Ashurova.
“Ko‘p yillik stajga ega qorovulimiz bor edi. Kelsa sahnada ustoz san’atkorlarimiz Shukur aka, Nabi aka turganmish. Buni ko‘rib o‘zlaridan ketib qoladigan darajada kasal bo‘lib qolgan ekan”, — deydi Muqaddas Xoliqova.
“Spektakl tugadi-ku, Sora opa bu yerda nima qilyapsiz, degan. Keyin boshqa joyga o‘tgan, qarasa u yerda ham kresloda ikkita ustoz san’atkorlarimiz o‘tirgan ekan. Ulardan ham nima qilib o‘tiribsizlar yarim kechasi, tomosha tugadi-ku, deb so‘ragan va shu payt miyalariga urib qolgan. Qaytib borib qaraganlarida hech kim bo‘lmagan, ertasiga ishdan bo‘shab ketgan”, — deydi Zuhra Ashurova.
“Tunda sahnani kesib o‘tib bo‘lmaydi, men shu haqda yoshlarga ayta olmayman. Chiroq o‘chirilgan payt orqa tomondan aylanib o‘tamiz, keksalar shunaqa deyishardi. Yarim kechasi sahnada ustoz san’atkorlarning ruhi kezib yuradi. Sahnada poshnani taqillatmaslik kerak”, — deydi Muqaddas Xoliqova.
“Muqaddas bilan bir voqea bo‘lgan. Eski teatrimiz ta’mirlanmagan payt biz uchinchi etajda turardik, 10-grimxona edi. U yerda o‘n uchta aktrisa turardik. Bir kun Gulchehra opam sizlar mendan keyin ketdinglarmi, deb so‘rab qoldi. Yo‘q, biz spektakl tugamasdan ketganmiz, dedim. Ular: 'Unda eshiginglarni kim ochib yopdi', — degan. O‘sha payt Muqaddas bilan bir-birimizga qaraganmiz, chunki bizdan keyin hech kim qolmagandi. Ular ketayotgan vaqtlarida eshigimiz ochib-yopilganini, bizga xayr deb chiqib ketganlarini aytdi.
Ikkalamiz qaysidir spektaklni oxirrog‘iga qolib ketdik. Ikkalamiz gaplashib turib liftning tugmasini bosdik. Keyin qarasak, eshigimiz ochildi, Muqaddas qarang, eshigimizning yarmi ochiqmi, dedi. Qarasam qars etib yopildi, keyin shamol bo‘lsa kerak deb qo‘rqib tushib ketdik”, — deydi Zuhra Ashurova.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Orzudagi uy — qishda issiq, yozda salqin. Bunga qanday erishish mumkin?
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Jizzaxda uchta yuk mashinasi ishtirokida YTH sodir bo‘ldi
Pnevmatik qurollarni o‘z ixtiyori bilan topshirganlar javobgarlikdan ozod etiladi
“Umra” ziyoratiga borib kelish tartibi takomillashtiriladi
Shimoliy Koreya yangi ko‘rsatkichlarga ega ballistik raketani sinovdan o‘tkazdi
Eron prezidentini olib ketayotgan vertolyot halokatga uchradi
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?
