Filmlarda hech kim bolalar va hayvonlardek samimiy rol ijro eta olmaydi. Ular bir zumda o‘zlarining beg‘ubor va ochiq obrazi bilan tomoshabinlar e’tiborini tortadi. Bolalar hali hayotiy tajribaga ega bo‘lmagani tufayli filmlarda taklif etilgan rolni o‘zlarining jajji dunyoqarashidan kelib chiqib tushunadi. Quyida ko‘plab kino ixlosmandlar qalbini zabt etgan yosh ijodkorlar ishtirokidagi yettita turk serialini taklif qilamiz.
“Beqaror”
Beren Gyo‘kyildiz va Jansu Dere
Foto: Dzen
“Beqaror” melodramasidagi eng yorqin rollardan biri, shubhasiz, yosh aktrisa Ebrar Alya Demirbelega tegishli. U 2013 yilda tug‘ilgan. Kino olamiga kirib kelisgiga uning ota-onasi sababchi bo‘lgan. Ebrar ilk marta ekranlarda go‘daklik paytida chiqqan.
“Beqaror” serialidagi Ebrar ijro etgan Gul obrazi qisqa vaqtda katta auditoriyaning mehrini qozondi. Moviy ko‘zli va malla sochli bu go‘zal qizaloq kadrlarda ishonarli tarzda ham kuladi, ham yig‘laydi.
Ebrar 2020 yil sentyabrida 1-sinfga chiqdi. U ota-onasi bilan Istanbulda yashaydi va suratga olish ishlari esa Mardin shahrida bo‘lib o‘tgan edi.
“Mening onam”
Beren Go‘kyildiz va Jansu Dere
Foto: Dzen
Beren Go‘kyildiz yosh bo‘lishiga qaramay o‘zining filmografiyasiga ega. Aktrisa ishtirok etgan muvaffaqiyatli loyihalardan biri “Mening onam” (2016) deb nomlanadi.
Bu serial o‘zining fojiali syujeti bilan ajralib turadi. Unda kichik qizaloq Melekning hayoti haqida hikoya qilinadi. U onasi va o‘gay otasi bilan Bandirmadagi kambag‘al mahallada yashaydi. Melek har kuni haqorat va kaltaklarga chidab yashaydi. Ammo uning maktabiga yangi o‘qituvchi kelganida hamma narsa o‘zgaradi. Ota-ona nomiga munosib bo‘lmagan shaxslar qo‘lida qolgan bola xavf ostida ekanligini tushungan murabbiy, o‘z o‘quvchisini o‘g‘irlab ketishga qaror qiladi. Shu tariqa yosh ona Zeyneb asrab olgan qizi Turna bilan Istanbulda yashay boshlaydi.
“To‘lin oy”
Alixan Turkdemir va Jan Yaman
Foto: Dzen
Jingalak sochli Alixan Turkdemir 2009 yilda tug‘ilgan bo‘lib, u allaqachon tajribali aktyor sifatida shuhrat qozongan, chunki uning kino faoliyatida bir nechta televizion loyihalar bor. Alixan sport o‘yinlarini yaxshi ko‘radi, ayniqsa futbol va basketbol bilan muntazam shug‘ullanadi. Shuningdek, u aktyorlik saboqlarini ham olgan, shuning uchun Alixan kamera oldida ishonch bilan harakat qilishiga guvohi bo‘lishingiz mumkin.
“To‘lin oy” (2017) serialida Turkdemir bosh qahramonning jiyani Bulut ismli bola obrazini ijro etgan. Uning qahramoni orzu qilishni yaxshi ko‘radigan va barcha narsaga juda qiziquvchan bola bo‘ladi.
“Qalbim eshigini qoq”
Hande Erchel, Maya Bashol va Kerem Bursin
Foto: Dzen
“Qalbim eshigini qoq” seriali Turkiyada ham, xorijda ham katta muvaffaqiyatga erishishida yosh aktyorlarning hissasi ham bor. Maftunkor qizaloq Maya Bashol Eda va Serkanning qizi — Kiraz Bolat rolini ijro etadi. Qizaloq uchun bu rol ideal tanlov edi, chunki u Eda (Hande Erchel) ga tashqi jihatdan juda o‘xshar edi. Mazkur rol Maya faoliyatidagi debyut bo‘lib, unda qizaloq ko‘p hayajonlangani bir oz seziladi.
“Kichik yorug‘lik nuri”
Azra Aksu va Seray Kaya
Foto: Dzen
2015 yilda tug‘ilgan Azra Aksu yosh bo‘lishiga qaramay, turk teletomoshabinlari orasida juda mashhur. U so‘nggi bir yildan beri turli reklamalarda suratga tushgan. 2022 yilda yosh aktrisa “Kichik yorug‘lik nuri” serialida ishtirok etdi va unda Gunesh obrazini o‘ynash topshirig‘i berildi. Uning qahramoni ruhiy jarohatlar natijasida gapira olmaydi va barcha his-tuyg‘ularini, kechinmalarini mimika, imo-ishora orqali bildiradi. Yosh qiz uchun bunday rol murakkab bo‘lishiga qaramay, Azra uni qoyilmaqom ijro etdi.
2022 yilda “48-Oltin kapalak” mukofotini topshirish marosimi bo‘lib o‘tdi va unda Azra Aksu “Eng yaxshi bola aktyor” nominatsiyasida g‘olib chiqdi.
“Omonat”
Sila Turko‘g‘lu va Berat Ryuzgan Ozkan
Foto: Dzen
2020 yilda namoyish etilgan “Omonat” serialida Yaman va Seherning sevgi hikoyasi haqidadir.
Yirik tadbirkor Yaman akalaridan biri va rafiqasi vafot etgach, yaxshi ko‘rgan jiyani Yusuf uning qo‘lida qoladi. Ammo marhum akasi rafiqasining singlisi Seher ham jiyaniga vasiylikni da’vo qiladi.
5 yoshli Yusuf rolini Berat Ryuzgan Ozkan ijro etgan. Bundan avval Berat o‘z faoliyatini ko‘plab reklama roliklari bilan boshlagan. Yosh aktyor “Omonat” serialida o‘z rolini juda samimiy ijro etdi va o‘zining qahramoni bilan birgalikda katta bo‘ldi.
“Qardoshlarim”
Aylin Akpinar va Su Burju Joshkun
Foto: Dzen
Mazkur serialda oddiy turk oilasining turmush tarzi, muammolarga yechim topishi va baxtli onlarni o‘zida aks ettiradi. Syujetga ko‘ra, avtohalokat tufayli ota-onasidan ayrilgan farzandlar bir-birining dardiga malham bo‘lishi, muammolarni mustaqil hal qilishiga to‘g‘ri keladi. Ushbu teleloyiha yangi yosh chehralar bilan tomoshabinni tanishtiradi.
Oilaning kenja farzandi Eren rolini iqtidorli aktrisa Aylin Akpinar ijro etadi. 2021 yilda u Oltin kapalak taqdirlash marosimida ushbu roli uchun mukofot olgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Turkiya o‘zining birinchi kvant kompyuterini taqdim etdi
Husiylar Isroil aviabazasiga gipertovushli raketa bilan zarba berdi
Har payshanba jismoniy tarbiya va sport kuni sifatida belgilanadi
Metabolizm sekinlashganining belgilari
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
