“Cho‘qintirgan ota” filmi rejissyori Frensis Ford Koppola Rimda shifoxonaga yotqizildi, deb Ansa agentligi xabar berdi. Rejissyorining sog‘lig‘i haqida hozircha rasmiy ma’lumot berilmagan.
Ma’lumotlarga ko‘ra, u Rimning “Tor Vergata” kasalxonasida davolanmoqda. Koppola yoz mavsumini Italiyada o‘tkazmoqda va yaqinda Kalabriyada bo‘lib, u yerda Magna Grecia festivalida yangi “Megalopolis” filmini taqdim etgan.
U festivalda yoshlarga “Dunyo qiyin ahvolda, ammo insoniyat har qanday muammoni yengishi mumkin. Biz farzandlarimiz uchun birgalikda buyuk kelajak qurishimiz kerak”, — degan. Shuningdek, rejissyor kuzda suratga olishni rejalashtirgan yangi loyiha uchun joy izlayotgan edi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
