O‘zbekistonning sevimli xonandalaridan biri Shohruhxon “Bevafo” nomli yangi qo‘shig‘iga ishlangan videoklipni premyera qildi.
Qo‘shiq nomidan ham ma’lumki, “Bevafo” — ayriliq, xiyonat va og‘riqli muhabbat haqida hikoya qiluvchi lirik asar bo‘lib, unda xonanda insoniy tuyg‘ularni o‘ziga xos hissiyot bilan ifodalagan.
Klip rejissyori — taniqli musiqachi va bastakor Jasur Badalbayev. Videoda Shohruhxonning o‘zi bosh rolni ijro etgan. Klipda minimalist sahnalar, iliq ranglar va sokin ohang orqali qo‘shiqdagi ruhiy kechinmalar tasvirlangan.
Tomoshabinlar ijtimoiy tarmoqlarda yangi klipni iliq kutib olishdi. Ko‘plab muxlislar Shohruhxonning bu chiqishini “so‘nggi yillardagi eng hissiyotli ijrolardan biri” deb atamoqda.
Shuningdek, Shohruhxon yaqinda suratga olingan “Musiqa bu sevgi” nomli badiiy filmda ham ishtirok etgan. Unda u rafiqasi, aktrisa Asal Shodiyeva bilan birgalikda rol ijro etgan. Film rejissyori — Sirojiddin Ikromov.
“Zamin”ni Telegramʻda oʻqing!
