O‘zbek estradasining eng faol va ijodkor xonandalaridan biri Shohruhxon yana yangilik bilan muxlislarini xursand qilmoqda. San’atkor hozirda yangi qo‘shiq va klip ustida ish olib borayotganini ijtimoiy tarmoqlari orqali ma’lum qildi. U qisqa, ammo qiziqarli izoh qoldirdi: “Qo‘shiq yangi”. Shu ikki so‘zning o‘ziyoq muxlislar orasida katta qiziqish uyg‘otdi.
Ma’lum bo‘lishicha, yangi tarona “O‘yin kulgi” deb nomlanadi. Nomidan ham sezilib turibdiki, qo‘shiq yengil, quvnoq va kayfiyatni ko‘taradigan ruhda bo‘lishi kutilmoqda. Eng qiziq tomoni — ushbu qo‘shiq uchun suratga olinayotgan klip oddiy emas, balki mutlaqo o‘zgacha formatda tasvirga olinmoqda. Ijodiy jamoa bu safar tomoshabinni ajablantiradigan vizual yechimlar va noodatiy sahnalar ustida ishlayotgani aytilmoqda.
Hozircha klipning aniq premyera sanasi e’lon qilinmagan. Ammo tayyorgarlik jarayoni qizg‘in ketayotgani va loyiha deyarli yakunlanayotganiga ishoralar bor.
“Zamin”ni Telegramʻda oʻqing!
