O'zbekistonlik taniqli aktrisa Yulduz Rajabova hamda turk kino olami yulduzi Emre Kiviljimning nikoh marosimi muxlislar diqqat markazida bo'lib turibdi. 17 fevral kuni Istanbulda bo'lib o'tgan nikohdan so'ng, ko'pchilik juftlikning katta to'yi qachon o'tishiga qiziqish bildirgan edi.
Yaqinda bo'lib o'tgan spektakl premyeralaridan birida jurnalistlar Emre Kiviljimga aynan shu savol bilan murojaat qilishdi. Turk aktyori o'z javobida to'y marosimini aynan Toshkent shahrida o'tkazishni rejalashtirganliklarini ma'lum qildi. Uning so'zlariga ko'ra, dastlab nikoh va kichik ziyofatni sir saqlash niyatida bo'lishgan, biroq mehmonlar tomonidan ijtimoiy tarmoqlarga joylangan suratlar tufayli bu yangilik tezda tarqalib ketgan.
Emre Kiviljim to'y marosimi yaqin bir ikki oy ichida bo'lib o'tishini ta'kidladi. Hozirda yulduzli juftlik katta tantanaga tayyorgarlik ko'rmoqda. Muxlislar aktrisaning o'zbekona urf-odatlar asosida o'tadigan to'yini intiqlik bilan kutishmoqda.
“Zamin”ni Telegramʻda oʻqing!
