“Vaynlar vaqtinchalik, ularning orqasida pul yotibdi”- aktyor Mehriddin Rahmatov

Aktyor Mehriddin Rahmatov intervyulardan birida vaynlar va ularning kelajagi haqida oʻz fikrlarini bildirdi.

U hazil aralash tarzda, bugungi kunda vaynlar bilan ulgʻaygan yoshlar kelajakda “bizning davrimizda yaxshi vaynlar bor edi” deb eslashini aytdi.

Shu bilan birga, aktyor vaynlarni vaqtinchalik tendensiya sifatida baholashini taʼkidladi.

Uning fikricha, bu kabi kontentlarning ortida asosan moliyaviy manfaat yotadi va koʻp hollarda pul topish maqsadida yaratiladi.

Biroq Mehriddin Rahmatov barcha vaynlarni birdek baholamasligini, ayrimlarida yoshlar uchun foydali va motivatsion gʻoyalar ham mavjudligini qayd etdi.

Aktyorning aytishicha, vaqt oʻtishi bilan tomoshabinlar bunday formatdan zerikib, yangi kontent turlariga oʻtishi mumkin.

Nigina Zarqarayeva

«ZAMIN.UZ» muharriri

+ Zamin.uz saytini Google'ga qo'shing