O‘zbekistonda Ramazon hayitining aniq sanasi hali rasman e’lon qilinmagan. Sanani O‘zbekiston musulmonlari idorasi oyning ko‘rinishiga qarab belgilaydi, deb xabar berdi Uz24.uz.
Dastlabki taqvimga ko‘ra, Ramazon hayiti 31-mart, dushanba kuniga to‘g‘ri keladi deb taxmin qilingan edi. Biroq qo‘shni Qozog‘iston, Qirg‘iziston va Tojikistonda Ramazon 29 kun bo‘lib, hayit 30-mart, yakshanba kuni deb e’lon qilindi.
Agar O‘zbekistonda ham hayit 30-mart kuni deb belgilanadigan bo‘lsa, Mehnat kodeksining 208-moddasiga binoan, yakshanba (bayram kuni) o‘rniga dushanba, ya’ni 31-mart dam olish kuni sifatida belgilanadi.
Shunday qilib, dam olish kunlari quyidagicha bo‘ladi:
29-mart (shanba): 5 kunlik ishlovchilar uchun dam, 6 kunliklar uchun ish kuni;
30-mart (yakshanba): Ramazon hayiti bayrami;
31-mart (dushanba): bayram sababli ko‘chirilgan rasmiy dam olish kuni.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
