O'zbekistonda 5 yillik yashash guvohnomasini olish narxi ma'lum bo'ldi

2025-yil 1-iyundan boshlab O'zbekistonda yangi tartib joriy etiladi: xorijiy fuqarolar va fuqaroligi yo'q shaxslar investitsiya orqali soddalashtirilgan tartibda 5 yillik yashash guvohnomasini (VNJ) olishlari mumkin, deb Podrobno.uz xabar berdi.

Yangi qoidalarga ko'ra, O'zbekistonda VNJ olish uchun ariza beruvchi shaxs mamlakatga kamida 200 ming AQSh dollari (hozirgi kurs bo'yicha taxminan 2,5 milliard so'm) miqdorida investitsiya kiritishi talab etiladi. Agar ariza beruvchi bilan birga turmush o'rtog'i, farzandlari yoki ota-onasi ham yashash guvohnomasiga da'vogar bo'lsa, har bir qo'shimcha a'zo uchun yana 100 ming dollar (taxminan 1,25 milliard so'm) to'lanishi kerak bo'ladi.

Bu yangilik O'zbekistonni xorijiy investorlar uchun yanada jozibador qilishni ko'zlagan. Dunyo tajribasida ham bunga o'xshash dasturlar mavjud. Masalan, AQShda "oltin karta" deb nomlangan loyiha orqali fuqarolik olish imkoniyati yaratilgan bo'lib, bir kunda 5 million dollarlik mingta karta sotilgan. “Zamin”ni Telegramʻda oʻqing!