Toshkent–Urganch reyslari ikki barobarga oshiriladi

Prezident Shavkat Mirziyoyev Toshkentdan Urganchga reyslar sonini ikki barobarga oshirishni topshirdi, deb uz.kursiv.media xabar berdi. Bu maqsadda xususiy aviakompaniyalar ham parvozlarga jalb etiladi.

Prezidentning ta'kidlashicha, ichki reyslarda raqobat yetishmasligi sababli chiptalar qimmat va tez sotilib ketadi. "Bunday vaziyatda nafaqat xorijliklar, balki mahalliy aholi ham xorijga sayohatni afzal ko‘radi", — dedi davlat rahbari.

Hozirda ichki reyslarning 95% Uzbekistan Airways va Silk Avia tomonidan amalga oshirilmoqda. Xususiy aviakompaniyalar asosan xalqaro yo‘nalishlarda parvoz qilishadi, chunki ichki reyslar ular uchun manfaatli emas.

Shuningdek, mahalliy aviakompaniyalarga ichki reyslar uchun subsidiya tizimini ishlab chiqish topshirildi.

Prezident temir yo‘l yo‘lovchi tashish hajmini ham 1,5 barobarga oshirishni buyurdi. “Zamin”ni Telegramʻda oʻqing!