221
O‘zbekiston Qozog‘istondan bug‘doy importini 30% ga oshirdi, deb upl.uz sayti xabar berdi.
"Qazaqstan temir joly" ma’lumotiga ko‘ra, 2024-yil sentabrdan 2025-yil aprelgacha Qozog‘iston 7,6 million tonna yangi hosil bug‘doyini eksport qilgan. Bu o‘tgan mavsumga nisbatan 58% ko‘proq bo‘lib, talabning ortganini ko‘rsatadi.
Qozog‘iston bug‘doyining asosiy xaridori — O‘zbekiston bo‘lib, 2,7 million tonna mahsulot import qilgan. Bu o‘tgan mavsumga nisbatan 30% ko‘p. O‘zbekiston umumiy eksportning uchdan bir qismini egallagan.
Ikkinchi o‘rinda Tojikiston — 1,1 million tonna (1,5 barobar o‘sish), uchinchi o‘rinda Eron — 889 ming tonna (16 baravar o‘sish).
Ozarbayjonga eksport 114 baravar oshib, 569 ming tonnaga yetgan. Afg‘oniston esa 270 ming tonna bug‘doy xarid qilgan — bu 33% ko‘p. Qirg‘iziston esa 181 ming tonna import qilgan, bu ikki baravar ko‘p degani.
2025-yil mart oyida “O‘zbekiston temir yo‘llari” va “Qazaqstan temir joly” kompaniyalari Qozog‘iston bug‘doyini Afg‘onistonga tranzit qilish tarifini 40% ga kamaytirish bo‘yicha kelishuvga erishdi. Chegirma Oazis (Qoraqalpog‘iston) — Galaba (Surxondaryo) yo‘nalishiga tegishli.
2024-yilda Qozog‘iston so‘nggi 10 yildagi eng katta bug‘doy hosilini yig‘ib oldi va bu eksportni sezilarli darajada oshirish imkonini berdi.
O‘zbekiston Qozog‘istonBug‘doy ImportiEksport Ma’lumotlariQozog‘iston HosiliO‘zbekiston Temir Yo‘llariAfg‘oniston Tranzit O'zbekiston yangiliklari Yangiliklar
“Zamin”ni Telegramʻda oʻqing! 
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
21:08, 2-05-2025
