O‘zbekistonda ayrim shifokorlarning maoshi oshiriladi

1-iyuldan O‘zbekistonda ayrim shifokorlarning oylik maoshi 20% ga oshiriladi, deb Nova24.uz xabar berdi.

Shu sanadan boshlab tuman va shaharlarda sog‘liqni saqlash tizimini tashkil etishda yangi pilot loyiha amalga oshiriladi. 2026-yil 1-yanvardan esa bu model Samarqand viloyatining barcha hududlarida joriy qilinadi.

Pilot loyiha doirasida birlamchi tibbiy-sanitariya muassasalarida ishlovchi tibbiyot xodimlariga quyidagi miqdorda qo‘shimcha ustamalar belgilanadi:

• Chaqiruv asosida tibbiy xizmat ko‘rsatuvchi xodimlarga — oylik maoshi yoki tarif stavkasining 50% miqdorida ustama.
• Tibbiy brigada uchun belgilangan normadan ortiq aholiga xizmat ko‘rsatilsa — shaharlar uchun 0,3%, tumanlar uchun 0,5% miqdorida, eng kam ish haqining 10% ustama to‘lanadi.
• Oila salomatligi bo‘yicha maxsus dastur asosida o‘quv kurslarini muvaffaqiyatli yakunlagan tibbiyot xodimlariga — sertifikat asosida tarif stavkasining 100% ustama.

Shuningdek, pilot loyiha doirasida tuman (shahar) markaziy shifoxonalari shifokorlarining oylik maoshi 20% ga, o‘rta tibbiyot xodimlarining oyligi esa 10% ga oshiriladi.

Oilaviy poliklinika va tuman (shahar) markaziy shifoxonalarining tibbiyot va farmatsevtika xodimlari uchun esa KPI ko‘rsatkichlariga asoslangan holda oylikning 100% gacha mukofot to‘lanadi. “Zamin”ni Telegramʻda oʻqing!