
O‘zbekiston va Yaponiya hamkorligidagi loyiha doirasida 10 ming nafar o‘zbekistonlik Yaponiyada ishlash imkoniyatiga ega bo‘ladi, deb Kursiv.Media xabar berdi.
O‘zbekiston Vazirlar Mahkamasi huzuridagi Migratsiya agentligi va Yaponiyaning JCAEMCE tashkiloti o‘rtasidagi kelishuvga muvofiq, “Yapon Mahorat Nuri” kurslari Toshkent, Samarqand va Namangan viloyatlarida ochiladi.
Bu kurslarda yapon tili o‘rgatiladi, imtihonlarga tayyorlanish va Yaponiyadagi mehnat bozoriga moslashish bo‘yicha ta’lim beriladi.
2025 yil iyun oyida Wisebridge nomli onlayn platforma ham ishga tushiriladi. U orqali Yaponiyadan vakant ish o‘rinlarini topish va ish beruvchilar bilan to‘g‘ridan-to‘g‘ri bog‘lanish mumkin bo‘ladi.
Kurslarga yozilish va batafsil ma’lumot uchun quyidagi telefon raqamlariga murojaat qilish mumkin: (71) 202-33-55 yoki 545. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar