O‘zbekiston aholisi 37,8 milliondan oshdi

2025-yil 8-iyun holatiga ko‘ra, O‘zbekistonning doimiy aholisi 37 803 188 kishiga yetdi, deb xabar berdi UPL Davlat statistika qo‘mitasi ma’lumotlariga tayanib. Bu raqam mamlakat aholisi 37,8 million bosqichini bosib o‘tganini anglatadi.

Jumladan:
. Erkaklar — 19 037 685 kishi.
. Ayollar — 18 765 503 kishi.

Mutaxassislar ma’lumotiga ko‘ra, O‘zbekistonda aholi soni oyiga o‘rtacha 51,5 ming kishiga, kuniga esa taxminan 1,7 ming kishiga ortmoqda.

2025-yilning yanvar–aprel oylarida mamlakatda 266 478 nafar bola tug‘ilgan. Bu o‘tgan yilning shu davriga nisbatan 8 ming nafarga kam.