Toshkent xalqaro aeroportida «Qo‘noq» brendi ostidagi kapsula mehmonxona rasman ochildi, deb Uzbekistan Airports xabar qildi. Mehmonxona terminalning ro‘yxatdan o‘tish (registratsiya) zonasida — nosteril hududda joylashgan. Endi yo‘lovchilar o‘z reysini kutayotganda qulay dam olish imkoniyatiga ega.
Mini-otelda 6 ta zamonaviy kapsula mavjud: 4 ta standart bir kishilik va 2 ta oilaviy (ikki kishilik) kapsula.
Har bir kapsula — shovqinga chidamli, yopiq va shaxsiy hudud bo‘lib, unda ortopedik matrasli qulay to‘shak, yotoq jihozlari, individual shamollatish tizimi, sozlanadigan yoritish, elektr rozetkalar va USB-portlar mavjud. Mehmonlar uchun shuningdek, shaxsiy seyf, ko‘zgular, kiyim ilgich va soatli ekran ham taqdim etilgan. Kapsulada optimal mikroiqlim saqlanadi.
Tariflar:
Yakka kapsula:
. 4 soatgacha – 400 000 so‘m
. 6 soatgacha – 600 000 so‘m
. 8 soatgacha – 800 000 so‘m
Oilaviy kapsula:
. 4 soatgacha – 600 000 so‘m
. 6 soatgacha – 800 000 so‘m
. 10 soatgacha – 1 000 000 so‘m
Bu xizmat tranzit yo‘lovchilar yoki reysdan oldin bir necha soat oldin kelgan mehmonlar uchun juda qulay yechim hisoblanadi.
Eslatib o‘tamiz, «Qo‘noq» brendi ostidagi yana bir mehmonxona Toshkent aeroportining sterillangan zonasida allaqachon ikki yildan beri faoliyat yuritib kelmoqda.
“Zamin”ni Telegramʻda oʻqing! 
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
