date

Toshkent tumanida ko‘p qavatli uylar ta’mirlanmoqda

Toshkent tumanida ko‘p qavatli uylar ta’mirlanmoqda
Aholiga yanada qulayliklar yaratish maqsadida boshqaruv servis kompaniyalari tomonidan amalga oshirilayotgan ishlar davom etmoqda, deb Qurilish va uy-joy kommunal xo‘jaligi vazirligi xabar berdi.

Xususan, Toshkent tumanidagi “Ozodlik” mahallasidan joy olgan ko‘p qavatli uylar bosqichma-bosqich joriy ta’mirdan chiqarilmoqda.

Mazkur ta’mirlash ishlari doirasida uylarning tom qismlari yangilanmoqda, tashqi devorlari esa zamonaviy materiallar bilan qoplanmoqda. Shuningdek, muhandislik kommunikatsiyalari — suv ta’minoti, kanalizatsiya tizimi va elektr tarmoqlari ham tekshirib chiqilib, zarur hollarda yangilanmoqda.

Aholi fikriga ko‘ra, bunday o‘zgarishlar nafaqat yashash sharoitini yaxshilaydi, balki mahallaning umumiy qiyofasini ham tubdan o‘zgartiradi. Fuqarolar tashabbusi va davlat ko‘magida amalga oshirilayotgan ushbu ishlar mahallada ijobiy kayfiyat va birdamlikni kuchaytirmoqda.

Ta’mirdan chiqqan uylar nafaqat mustahkamligi, balki estetik ko‘rinishi bilan ham alohida e’tiborga loyiq.
Ctrl
Enter
Xato topdIngizmi
Iborani ajratib Ctrl+Enter tugmasini bosing
Yangiliklar » O‘zbekiston » Toshkent tumanida ko‘p qavatli uylar ta’mirlanmoqda
-->