O‘zbekiston Tojikistondagi Rog‘un GES orqali elektr energiyasi xarid qilishni rejalashtirmoqda, deb xabar berdi Kursiv.media. Tojikiston hukumati Toshkent bilan elektr ta’minoti bo‘yicha kelishuv loyihasini tasdiqladi. Hujjat matni Adlia saytida e’lon qilingan.
Elektr energiyasi uchun to‘lov “Uzenergosotish” kompaniyasi tomonidan amalga oshiriladi. 1 kVt/soat narxi QQS bilan birga 3,4 AQSh sentini tashkil etadi. Ikkinchi yildan boshlab narx har yili 1% ga oshib boradi.
Shuningdek, Tojikistonning “Barki Tochik” energetika kompaniyasi ham O‘zbekistonga qo‘shimcha elektr yetkazib berishni rejalashtirgan.
Toshkent va Dushanbe o‘rtasidagi bu kelishuv 20 yil davom etadi va keyinchalik 10 yillik muddatlarga uzaytirilishi mumkin. Nizo va kelishmovchiliklar esa muzokaralar va maslahatlar orqali hal etiladi.
Rog‘un GES Tojikistondagi eng yirik gidroelektrostansiya bo‘lib, Vaxsh daryosida qurilmoqda. Uning quvvati 3,6 ming megavattga teng. 2018 yilda birinchi, 2019 yilda esa ikkinchi agregat ishga tushirilgan.
2024 yilda Tojikiston 2,7 milliard kVt/soat elektr energiyasini eksport qilgan (yillik 7,8% kamayish). Asosiy xaridorlar: Afg‘oniston, O‘zbekiston va Qirg‘iziston. O‘zbekiston o‘tgan yili elektr energiyasi uchun $18,4 million to‘lagan. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
